طحت... لا .. بعدني ما طحت
مثل النخل صامد خاف اتبشرت
يمكن شويه هديماتي تطركن
وذيالي من المكافف اتمسلتت
الف آه كل يوم برويحتي
و لاآخ يم شامت صحت
كلت آخ بس إعله الوطن
حكه عليه لأنه بيه آنه عشت
كضيت العمر كاعي تنز خير
شلت حنطه وبذيالي تربدت
عشت وياك هوايه بهذا الوطن
ويامره كلي بشتاكم ماعسمت
وشكد بطني سمعتني الويل
وماكلت لأخو وصاحب جعت
ابنادم مايموت من الجوع
يموت حسره لو ضاع البخت
فضحتنا مجاويع الغدت سادات
وصارت شرايعنا بس للكصب تتنبت
يسدي الليل وآنه شبه مرتاح
ظلمت النفس وعلى غيري ما جرت
تدري شكد صعب خلكي
ونفسي عزيزه وعالذل اتكبرت
لجن بجاني منك دم البيك
نفس دمي وعن جرحي اسكتت
بسك يازمن شعندك بعد
حتى فيك حركني وسومرت
لو تدري الله شكد يحبني
ترى بصبري على صبري تعكزت
ومنه أطلب بغربه اموتن
كبل ماتكول آخ اخوي تذكرت
حتى اتيهن بسما التاهو
واصيحن حيل خواني اتكترت
انباع الوطن جوعان بلشة الفاطس
ومامش بخت حواف بيه اتبختت
تطرك خنازير الليل لو شافت امن
والصبح لعين المناطر مثل حوسة بحت
الأهداء \الى غافل ابن ارنون وهي كنية كل نائب في مجلسنا المنخر.
التعزيه\ الله يجابركم
النداء\ اكو بعد دم وعظام يرتجي اعليها اساس العراق.......
م ن ق و ل
