بالغربة ذكرت امي فد يوم
العبرة خنكت حيل وعيوني بجن
ردت اكتب اوصف الحالة التصير
كضني حيل الشوكَ وأزداد الشجن
غيمت بية القصيدة ومن بجيت
شو احس الابيات من دمعي أرتون
شوصف امي بيا شعر وبيا كلام
امي بيهة الوصف حط ايدة وصفن
كال ماأوصف اخاف احجي وقليل
وادري انة رخيص بالغالي الثمن
جنت جاهل وانتي شلتيني بأديج
سطور قصتي فارغه وبيج انملن
لون كالو سبعه خطوات الحياة
ستـــــه منهن بيج يايمه بدن
امي حنية وكلب طاهر محال
تعبتها ايام وسنين المحن
امي شمعة بليلي من يملي الظلام
كل درب امشية وشموعة طفن
من تمر بينة المصايب ماتخاف
عدت امي تكول يايمة مشن
ولو تسولف امي جن سولف مضيف
دلة معزبين عشرتهة لبن
جروح بية لو حجت امي تهيد
ماهدن لحظات بس بيهة هدن
جوة جدمج جنة من كال الرسول
يعني داست جنة خطواتج هذن
امي دوم تكلي باوع للأمام
وانسه كل ايام ذنيج المضن
واحجي بلحق علي صوتك لاتخاف
البلبل أعله الصوت صح يمه انسجن
ويمه اوصيك بأخوتك والصلاة
ديربالك يمه مو تنسه الوطن
...ديربالك يمه مو تنسه الوطن
م ن ق و ل
