بالك لا تسر
سرك لياهو الجان
اذا سريت روحك
عيونك تشرحة
خل سرك بكلبك
لا تورج انسان
لابد ما يمر
الوكت و يفضحة
اذا بحرك غميج
هو ما خسران
تعرف كيش شطه
وكارط الملحة
ليش تبيع روحك
وانت ما ربحان
اذا صح الربح
لا ما يظل صلحة
لا تغالط بنفسك
وتكول ما غلطان
ومرات الغلط
هم بي وجه صحة
المهم حاسب ضميرك
وخله بالميزان
لا تكتب عليه
مليت و تسرحة
صير مرايه لك
وخلي بالحسبان
جرحك من نزف
لا ما نزف جرحة
صح من البشر يحصل
اشكال الوان
وتدري انت الخبيث
شخله للفلحة
صدك لوما احبك
ما كلت بطران
ولا كتلك دفز
من نومك وا صحة
البشر ما ينحزر
لا تنغر بحلو لسان
من الذيل العكارب
سمها تلفحة
شوف شكثر
حاسبهم انت اخوان
من تحتاج واحد
محد تلمحة
فوك الي نريده
تلكه الف عنوان
لكن المغزه واضح
لابد نطفحة
لا تروح بدرب
اخر مطافة احزان
ليلك ما تجرعه
من غدر صبحة
وترد اردوود ترجع
اتدكدك البيبان
بباب الصفنه
تلكه الندم و تذبحة
بالك لا تسر سرك يسرلك
بس الي على همومك يسر لك
ما ندمان اذا تسره و يسر لك
ونسبة انطيك مو مية بالمية
جواد الفراتي
